Merkezê Xeberan - Îtalya de bîlançoyê virusê Korona giran beno. Hema vaje her roj seyan merdimî nê virusî ra mirenê.
Îtalya de mîyanê 24 saetanê peyênan de 651 kesê bînî nêweşiya Korona ra merdî.
Hukmatê Îtalya aşkere kerd ke, vizîr ra nata en kêmî 651 kesî nêweşîya Korona ra merdê û hûmara merdeyan bîya 5 hezar û 476.
Gorê îdarekaranê hukmatê Îtalya hûmara nêweşan resaya 59 hezar û 138 kesan û 7 hezar û 24 nêweşî zî weş bîyê.