Merkezê Xeberan - Îtalya de goreyê hûmara fermîye vizêr hûmara merdişan Çîn derbaz kerd. Mabênê 24 seatanê peyênan de 427 kesan wefat kerd, Îtalya de zî hûmara mergî resa 3 hezar û 405 kesan.
Îtalya welato ke Korona ra tewr zaf mergî tede yenê meydan o. Çîn de 3 hezar û 245 kesan, Îran de 1.204 kesan û Îspanya de zî 767 kesan heta nika Korona ra merdî.
Amerîka de hûmara kesanê ke pê vîrusê Korona kewtî bîye 10 hezar û 491 û 150 kesî zî merdî.
Goreyê bîlançoya verêne ra heta yê nikayêne hûmara kesanê ke pê vîrusî kewtî û hûmara mergî zêdîyaye.