Zeytînburnuya Îstanbulî de pêrodayîşê mabênê di keyeyan de polîsan ciwanêko kurd o bi nameyê Aydin Îzgîn (20) kişt.
Merdimê Aydin Îzgînî Resul Îzgînî da zanayîş ke dezayê ci pê guleyê polîsan ameyo kiştene.
Îzgînî vat mabênê keyeyê ey û keyeyê bînî de rîyê meselaya remnayîşê kêna ra pêrodayîş vejîya û polîsan pê çek dezayê ci yo 20 serre kişt.
Îzgînî beyan kerd ke ê do badê otopsî cenazaya xo berê Mîdyadê Mêrdînî û waşt ke wa sereyê nê serebutî nêro qefilnayene.