2 xortê ke Taksîm de deyîrê Kurdkî vatêne hetê polîsan ra amê astengkerdiş û tepiştiş.
Şewa bîne Cadeyê Îstîklalî yê namdarî de 2 xortê Kurdê ke muzîk dir mijûl benê, mîyanê cadeyî de deyrê "Sebra min" û "Xerîbî" vatêne û xeylê kesî zî dorûverê înan de kom bibî û goşdarîya înan kerdêne.
La badê otomobîla ke çen kesê sivîlî tede bîy, otomobile ra amê war, fek eşt xortan û dima ra dest ronay înan ser. Goro ke texmîn beno nê kesê sîvîlê ke dest ronayê xortan ser polîs sê.
Goro ke ame zanayîş nazmeyê xortan Zana Zendo û Serhat Çelîk ê. Seba deyranê Kurdkî tepişyayîşê xortan rastê razînêbîyayîşê Kurdan ame.
Vajîya ke, Îstanbul de qasê 5 mîlyon Kurdî estê û no demo peyên de xeylê kesî seba ke deyrê Kurdî vatê Îstanbul de amê tepiştiş.