Merkezê Xeberan- Goreyê xebera Ajansê Reutersî ewro çend kesî dorûverê Pirdê Sinekî de amê pêser û Hêzê Asayîşî yê Iraqî înan rê mudaxele kerd.
Mudaxele de 7 kesî amê kiştene û xeylê kesî zî birîndar bîyî.
Goreyê xeberanê medyaya Iraqî zî protestoyanê ewroyî de 10 kesî merdî, 78 kesî zî birîndar bîyî.
Paytaxê Iraqî Baxda û çend bajaranê bînan de seba betalî, feqîrî û muameleyê hukmatî 1ê Teşrîna Verêne de protestoyî dest pêkerdbî.
Mudaxeleyê esker û polîsan de heta nika 319 kesî amê kiştene, qasê 15 hezar kesî zî birîndar bîyî.