Papayê Vatîkanî Papa Francisî o ke vizêr ameyo Iraq, lîderê şîîyanê Iraqî Elî Sîstanî reyde ame têhet. Papa do ewro şaristanê Zîqarî zî zîyaret biko.
Ewro roja şemiyê 06.03.2021 serê siba Papa Francis lîderê şîîyanê Iraqî Elîs Sîstanî reyde pêvînayîş kerd.
Papa do Necefî ra dima şêro şaristanê Zîqarî û uca de temsîlkaranê xirîstîyanan reyde bêro têhet.
Papa Francîs vizêr roja îneyî 05.03.2021 amebi Bexda û siyasîyanê Iraqî de pêvînayîş kerdbi. Papa do siba zî 07.3.2021ê bêro Herêma Kurdistanî û Hewlêr zîyaret biko.