Nêweşxaneyê Nasirîye yê Iraqî de adir kewt nêweşxaneyo ke nêweşê vîrusê Korona tede tedawî dîyêne. Şewat de en tay 52 kesî merdî.
Şewa 12ê temmuze Nêweşxaneyê Nasirîye yê Iraqî de adir kewt beşê vîrusê Korona. En tay 52 kesî merdî û en tay 22 kesî birîndar bîyî. Pawîyeno ke bîlanço do giranêr bibo.
Serekwezîr Mustafa Kazimî nêmeyê şewe wezîr û mesuldaranê nêweşxaneyî reyde kom bi. Wîlayetê Zîqarî de rewşa lezabeze amey îlankerdene.
Gorê çimeyêkî/e şewat rîyê teqayîşê tupanê oksîjenî ra vejyayo.
Şewatî ra dima bi seyan kesî verê nêweşxaneyî de kom bîyî û înan nêrazîbîyayîşê xo mojna.
Menga nîsane de nêweşxaneyêkê Bexdadî de şewat vejîyabi û en tay 80 kesî merdbî.