Partlamentoyê Iraqî derheqê Qirkerdişê Zaxoyî de roniştişêko taybet kerd. Roniştiş de ame eşkera kerdene 100yî ra zafêr baregeh û 4 hezar leşkerê dewleta tirke Başûr de est ê û qerar ame girewtene ke do komîsyonêko hempar bişawiyo cayê qirkerdişî.
Partlamentoyê Iraqî derheqê Qirkerdişê Zaxoyî yo ke yewê înan doman new kesan dinayaya xo bedilnaye de roniştişêko taybet kerd. Parlementerî û xeylêk wezîrî tewrê kombîyayîşî bîyî.
Serekê Pêroyî yê Fermandariya Leşkerî ya Iraqî Abdulemîr Yarelayî ke tewrê roniştişî bi vat: ''4 hezar leşkerê dewleta tirke herêma Başûrê Kurdîstanî de yê. Herême de 100yî ra zafêr baregehê dewleta tirke est ê ke 5ê înan baregehê esas ê. '' Kombîyayîş de qerar ame girewtene ke komîsyonêk do cayê qewimîyayîşî de cipersayîş bikero. Komîsyonê hemparî de do asayîş, pawitiş, tekîlîyanê teberî û pîsporîya leşkerîye ra nameyî tede ca bigêrê.