Merkezê Xeberan - Encûmenîya Pawitişê Heqanê Merdiman a Kurdistanî aşkere kerd ke, dewleta Îranî xebere erşawita keyeyê hepsîyê siyasî yo Kurd Hîdayet Ebdullapûr û keyeyî ra vata, lajê şima ameyo îdamkerdiş.
Serra 2018î de semedê Hîdayet Ebdullapûrî hetê rejîmê Îranî ra qerarê îdamkerdişî amebi dayîş..
Hîdayet Ebdullapûr semdo ke dewa Şîno Freseqel de şerê mabênê Pêşmerge û Pasdaranê Îranî de ca girweto, seba ey hetê Dadgeha Şorişî ya Urmiye ra qerarê îdamkerdişî ame dayîş.
Hîdayet Ebdullapûr zewicnaye yo û babîyê 2 tutan o.