Doh çarşemê ji aliyê çalakvan, rewşenbîr û partiyên Rojhilata Kurdistanê ve weke roja kempîna greva giştî hatibû ragihandin, li bajarên Bokan, Şino, Pîranşar ên li parêzgeha Urmiyê û bajarên Sine û Merîwan û Bane yên li parêzgeha Sine û çend bajarokên din ên Rojhilata Kurdistanê greva giştî dest pê kir.
Xelkê wan bajarên Rojhilata Kurdistanê weke nîşandana nerazîbûna xwe li hember sêdaredana girtiyên siyasî yên Kurd û êrişa mûşekî ya Îranê bo ser baregehên Partiya Demokrata Kurdistanê (HDK) û Partiya Demokrata Kurdistana Îranê (PDKÎ) dikanên xwe venekirin û neçûn ser karên xwe. Bazarên wan bajarên Rojhilatê Kurdistanê girtî ne û xelk ji malên xwe man û derneketin derve.