Merkezê Xeberan - Îran de roje bi roje qûrbanîyê nêweşîya Corona benê zêde.
Rîyê coronavirusê neweyî ra (Covid-19) Îran de mîyanê rojêk de 122 kesê bînî merdî û pêroyî de heta nika Îran de 1934 kesî merdî û virus kewt ganê 24 hezar û 811 kesan.
Verfekê Wezaretîya Weşîye yê Îranî Kiyanuş Cihanpurî aşkere kerd ke, mîyanê 24 saetanê peyênan de rîyê Covid-19î ra 122 kesê bînî merdê.
Cihanpurî va ke, welatê ma de hetanî nika 1934 kesî rîyê nê virusî ra merdê û 24 hezar û 811 kesî pê na nêweşî kewtê.