Merkezê Xeberan- Goreyê merkezê sîsmolojîyê Îranî şaristanê Sanganî de 8 kîlometre binê erdî de erdlerz ame meydan. Goreyê xeberanê destpêkî xesar nêame meydan. Sangano ke nufusê ci 10 hezar o sînorê Afganîstanî ser o ca gêno.
27ê kanûne de zî başûrê rojawanî yê Îranî de cayêk de bi şîdetê 5.1 erdlerz ame meydan.
Destpêkê menga teşrîna peyêne de zî herêma ke qasê 120 kîlometreyan nêzdîyê Tebrîzî yo de erdlerzo bi şîdetê 5.9 ame meydan û nê erdlerzayî de tewr tay 5 kesan wefat kerd û 120 kesî birîndar bîyî.
Îran zaf plakayanê tektonîkan ser o yo. Teşrîna peyêna 2017î de wîlayetê Kirmaşanî ya Rojhelatê Kurdîstanî de erdlerzêko bi şîdetê 7.3 ame meydan û 620 kesî merdî.
Serra 2003î de reyna eyaletê Kermanî yê Îranî de erdlerzo bi şîdetê 6.6 ame meydan û şaristanê Bamî yo qedîma raşayebi, edlerz de tewr tay 31 hezar kesan wefat kerd.
Erdlerzo tewr xurt 30 serrî verê cû peynîya serra 1990î de vakurê Îranî de ame meydan û şîdetê ci 7.4 bi. Nê erdlerzî de zî 40 hezar kesan wefat kerd û nêm mîlyon merdîmî bêkeye mendî.