Merkezê Xeberan - Îran de virusê Korona demek verê cû bibi kêm la sistkerdişê tedbîran ra dima virüs newe ra bîyo xidar û her roj beno sebebê merdişê 100-150 kesan.
Verfeka Wezaretîya Weşîye ya Îranî, Dr. Sîma Larî aşkere kerd ke, vîzîr ra nata Îran de 2 hezar û 549 kesî bi Korona kewtê û hûmara pêkewtîyanê Korona resaya 230 hezar û 211 kesan.
Dr. Larî va ke, vizîr ra nata 141 merdimî rîyê janê Korona ra merdê û hûmara merdeyan resaya 10 hezar û 958 kesan.
Gorê vatişê aye, 191 hezar û 487 kesî heta nika weş bîyê û rewşa 3 hezar û 81 nêweşan zî xirab a.