Merkezê Xeberan - Îran de her roj 100 ra zêde merdimî nêweşîya Korona ra mirenê û hûmara nêweşanê neweyan zî roje bi roje zêde bena.
Verfekê wezaretîya weşîye yê Îranî, dr. Kiyanûş Cehanpûrî aşkere kerd ke, mîyanê 24 saetanê peyênan de hezar û 28 kesê bînî pê nêweşîya Korona kewtê û hûmara nêweşan resaya 21 hezar û 638 kesan.
Dr. Cehanpûrî va ke, mîyanê 24 saetanê peyênan de 129 kesê bînî nêweşîya Korona ra merdê û pêroyî de hûmara merdeyan resaya hezar û 812 kesan.
Gorê vatişê Cehanpurî Îran de 7 hezar û 913 nêweş zî weş bîyê.