Merkezê Xeberan - Gorê xebera ajansê Karkeranê Îranî (ILNA), endamê serekîya meclisî Mihemed Reza Tabeş, parlamenter û karmendê parlamentoyî rê testê Covid – 19 ameyo kerdene.
Mihemed Reza Tabeşî aşkere kerd ke, netîceyê testê 11 parlamenteran pozîtîf vajyayo, la hema testê pêrunan nêvjyayo û beno ke testê 50 parlamenteran pozîtîf bo.
Îran de 3 hezar û 700 kesan ra zêdêr merdişî estê û verê cû zî testê 23 parlamenteran pozîtîf vejyabi.
Heto bîn ra parlamentera Tehranî Fatma Rehber, 7ê Adare de vîrusî ra wefat kerdbî û testê serekê parlamentoyê Îranî Elî Larîcanî zî pozîtîf vejîyabi.