Komara Îslamî ya Îranî, kesê ke roje nêgênê înan erzena hepisxane. Mîyanê Aşma Remezanî de 412 welatiyê Kurd semedo ke roje nêgirewtê amê tepiştiş û erzîyê hepisxane.
Seke zanîyeno dewleta Îranî vana “Ma pê ‘şerîat’ dewlet îdare kenê” û Îran de sîstemê şerîatî ney, bi serrano ke sîstemê zulum û zordarî esto. No zulum û na zordarîye, en zaf Kurdanê Rojhilatê Kurdistanî rê bena.
Mîyanê Aşma Remezanî de 412 welatiyê Kurd semedo ke roje nêgirewtê amê tepiştiş û erzîyê hepisxane.
412 kurdê ke bi sebebê roje nêgirewtê amê tepiştene zafê xo bajarê Rojhilatê Kurdistanî Kirmanşan ra yê.
Hetkarê Fermandarê Hêzê Mîyanê xo yê Îranî Mihemed Rezayî aşkera kerd ke înan 412 kesê ke roje nêgirewtbî eştê hepisxane. Rezayî îdîa kerd ke nê kesan teber de nan werdo û nan ser o amê tepiştiş.
Îdarekerê dewleta Îranî vano ke, polîsanê Kirmanşanî 800 dukanê ke aşma Remezanî de akerde bî ceza dîyaya înan û 87 dukanî zî amê qefinayîş.