Merkezê Xeberan - Îran de 136 kesê bînî nêweşîya Korona ra merdî û heto bîn ra hûmara nêweşan zî 60 hezar vîyart û hûmara merdeyan zî resaya 3 hezar û 739 kesan
Verfekê wezaretîya weşîye yê Îranî, Dr. Kiyanûş Cehanpûrî aşkere kerd ke, mîyanê 24 saetanê peyênan de 136 kesê bînî Korona ra merdê û hûmara merdeyan resaya 3 hezar û 739 kesan.
Dr. Cehanpûrî da zanayîş ke, vîzîr ra têstê Korona yê 3 hezar û 603 kesanê bînan pozîtîf vejîyayo û hûmara nêweşan zî resaya 60 hezar û 500 kesan.
Bi vatişê ey, heta nika 24 hezar û 236 nêweşê Korona zî baş bîyê, rewşa 4 hezar û 83 kesan zî baş nîya.