Merkkezê Xeberan- Qralîyetê Yewbîyayî rîyê hêrişanê îşxalkarîye yê dewleta Tirkîya yê verba Vakur û Rojakewtena Sûrîye ra seba Tirkîya rotişê çekan vindarna.
Wezîrê Karanê Teberî yê Îngîlîstanî Domînîc Raabî da zanayene ke înan rotişê çekan seba Tirkîya vindarna ke beno ke nê çekan hêrişanê îşxalkarîye de bêrê xebitnayene.
Raabî parlamento de qisey kerd û vat, "Rotişê çekanê leşkerîyê ke Tirkîya eşkena nê operasyonan de bixebitna ameyî vindertene."
Fînlandiya, Norwêc, Hollanda, Almanya û Fransa verê cû rotişê çekan ê Tirkîya rê vindarnabi. Yewîya Ewropa zî îşxalkarîya dewleta Tirkî şermezar kerdibi, qerar girewtibi ke asta neteweyî de seba rotişê çekan hînî zêdêr tedbîrê pîtî bêrê girewtene