Ewro mazbataya Serekê Beldîyeya Îstanbulî yo newe Ekrem Îmamogluyî teslîmê ey bena.
Ewro mazbataya Serekê Beldîyeya Îstanbulî yo newe Ekrem Îmamogluyî teslîmê ey bena.
Hetê Walîtîyê Îstanbulî ra derheqê mazbataya serekê neweyî de beyanat ame dayîş û ame vatiş ke, merasîmê dayîşê mazbata, saete 18:00 de Saraçhaneya Serekîya Beledîyeya Îstanbulî de beno.
Ekrem Îmamogluyî zî medyaya sosyale ser ra beyanat da û şarê Îstanbulî ra waşt wa bêrê merasim û verê binaya Beledîyeya Îstanbulî de cayê xo bigîrê.
Îmamogluyî roja 23ê Hezîran de bi 806 hezar û 426 rayan Serekîya Beledîyeya Îstanbulî newe ra qezenc kerdbi.
Seke yeno zanayîş namzetê CHP Ekrem Îmamoglu 31ê Adare de weçînayîş qezenc kerdbi la YSK îtîrazê AKP û MHP ser o weçînayîş betal kerdbî û weçînayîşê Îstanbulî 23ê Adare de newe ra amebi kerdene.
namzetê CHP Ekrem Îmamogluyî bi %54 weçînayîş newe ra qezenc kerd. Namzetê AKP Bînalî Yildirim zî bi %45 weçînayîş vindî kerd.
Bi no qayde AKP 17 serran ra pey Îstanbul de vindî kerd.