ÎHDyî raporê xo yê binpaykerdişê heqanê merdiman aşkere kerd. Hemserekê ÎHDyî Ozturk Turkdoganî waşt ke wa nê kerdişî ra fek bêro veradayene.
Komeleya Heqanê Merdiman (ÎHD) derheqê remnayîş û ferzkerdişê ajanîye de raporê xo yê 10 mengan bi kombîyayîşê çapemenîye pêşkêşê rayaumûmîye kerd.
Kombîyayîş de Hemserekê ÎHDyî Ozturk Turkdoganî eşkera kerd ke 3 serran ra nata hemwelatîyî maruzê îşkenceyî benê û yenê remnayene. Turkdoganî da zanayene ke 10 menganê verênan ê 2020î de 160 kesî ameyî remnayene û înan rê ajanîye ameye ferzkerdene.
Turkdoganî vat: ''Wendekarê lîseyî, sîyasetmedar û rojnamegerî zî maruzê nê kerdişan manenê. Aqîbetê Yusuf Bîlge Tunçî hema zî eşkera nêbi. Ganî vera nê kerdişan tedbîrî bêrê girewtene û Meclîs zî ganî berpirsîyarîya xo bîyaro ca. Ma do nê raporî pêşkêşê Meclîsî zî bikerê. Ganî nê metodanê îşkenceyî ra fek bêro veradayene.''