Qatilê 7 endamên malbata Kurd li navçeya Meram a Konyayê Mehemt Altun ku doh 4ê Tebaxê piştî hefteyekê bi ser êrîşa hovane de hatibû desteserkirin, heman wekî daxuyaniyên rayedaran îfade da û got, ew ji bo lihevanîna malbatan çûye mala wan û piştî ku meşiyane ser wî jî ew kuştine.
Qatil Altun di îfadeya xwe ya ku medya tirk belav kiriye de gotiye, ew li ser daxwaza malbata xwe ji bo giliyê dadgehê betal bikin û wekî karmendekî şaredariyê xwe nîşan daye û çûye mala malbata Dedeogullari. Lê dema wî maskeya xwe derxistiye, ew nas kirine û malbata Dedeogllari meşiyane ser wî û wî jî gule bi ser wan de reşandine. Herwiha li gorî îfadeyê, qatil piştî birîndarkirina hemû endamên malbatê careke din ji bo wan temam bike gule berdane ser wan û ji bo tomarên kamereyê jiholê bên rakirin û şopê li pey xwe nehêle jî agir berdaye xaniyê wan.
Parêzerê Malbata Kurd Abdurrahman Karabulut piştî girtina qatil dibêje, “tetîkêş û gumanbarên alîkarîya qetlîamê kirine hatine girtin, her bi çi sedemê ew qetlîam hatibe encamdan emê li pêş dadweriyê hesabê wî teqez bipirstin. Canê Kurdan ne erzan e.”