Li navenda bajarê Îdlibê li kolana Kusurê du wesayîtên bombebarkirî li dû hevdu hatin teqandin.
Rêveberî Parastina Sivîl ê Îdlibê Mistefa Hac Yûsif derbarê teqînan de got: "Teqîna ewil piştî nîvro li ser Kolana Kusurê çêbû. Teqîna duyem jî li cihê ku dildarên Parastina Sivîl lê bûn çêbû."
Hac Yûsif ragihand ku di van teqînan de 15 sivîlan canê xwe ji dest dan û 79 sivîl jî birîndar bûn.
Yûsif got li cihên ku teqîn lê çêbûn avahî û kargehan jî zirareke mezin dîtin, xebatkarên Parastina Sivîl şewat vemirandin.
Ji aliyekî din ve hat zanîn ku 4 rojnamevanên ku ji Xuteya Rojhilat ji neçarî koç kiribûn ew jî birîndar bûne.
Heta niha ti alî êrîş negirtiye sitûyê xwe.