Qasê aşmîyo ke bajarê Sûrîye Îdlîb de şer, pêrodayîş û bombardumanê Rûsya û Rejîmê Sûrîye dewam keno..
Ewro rejîmê Sûrîye û terorîstê ke girêdayîyê dewleta Îranî yê eştê çend dewanê Îdlîbî ser. Teyarayanê rejîmî û Rûsya qezayanê Marratinnuman û Ariha de dewê Hazarin, Kirisaa û Marrıthırme bombarduman kerd.
Bombarduman de 17 sîvîlî amê qetlkerdiş, en kêm 35 sîvîlî zî birîndar ê. Bombarduman de xeylê ban û bînayî zî rijyay.
Îdlîb de qasê 4 mîlyon kesî cuyenê û Adara 2015î de kewtbi destê çekdaranê OSO ke seba hukmatê Tirkîya Sûrîye de şer kenê. Tirkîya, Rusya û Îran, 4-5ê Gulana 2017î de kombîyayîşê Astana de, Îdlîb û dorûverê ey sey "Mintiqaya Bêçeke" îlan kerdbî.
La Îdlîb zafê xo dima ra kewt destê terorîstanê EL-NUSRA. 25ê Nîsane ra nata Îdlîb de 231 sîvîlî amê kiştene û 600 kesan ra zêde kesî birîndar bîyê. Qasê 3 hezar kesî zî mîyanê aşmêk de Îdlîbî ra koç kerd.