Îdîa beno ke îdarekerê Amerîka û Îranî welatê Iraqî yan zî Qeter de seba krîzê sîyasî yê mabênê Amerîka û Îranî bêrê têlewe û qisê bikê.
Îdîa beno ke îdarekerê Amerîka û Îranî welatê Iraqî yan zî Qeter de seba krîzê sîyasî yê mabênê Amerîka û Îranî bêrê têlewe û qisê bikê. Gorê ajansêkê Îsralî îdîa beno ke, welatê Qeter û Iraqî do mêmantîya îdarekaranê her di welatan bikê. Gorê xebere ra hema mabênê her di welatan de dîyalog nêameyo ronayîş la her di welatî zî wazenê mabênê Amerîka û Îranî de bibê mîyançî.
Heto bîn ra Serekê Amerîka Donald Trumpî vatbi: Ma Îran dir şerêk nêwazenê la eke Îran biwazo ma hazirê ke şer bike. Rayverê Dînî yê Komara Îslamî ya Îranî Elî Xamaneyî zî aşkere kerdbi ke ê zî nêwazenê Amerîka de şer bikê la eke Amerîka bêra înan ser o ê do xo bipawê.
Vizêr zî Serekwezîrê Iraqî Adil Abdulnehdîyî zî vatbi: Ma qayîlê mabênê Amerîka û Îranî de bibê mîyançî.Sek zanîyeno Amerîka û Îran no demêk o yewbînî tehdîd kenê.Amerîka îdîa kena ke dewleta Îranî desteg dana teror û sîlehanê kîmyewî peyda kena.