Merkezê Xeberan-Îdarekarîya Xosere ya Rojavayê Kurdistanî bi beyanatêk aşkere kerd ke Rojavayê Kurdistanî de vernîya ENKS de astengîyêk nêmenda û êdî ENKS eşkena buroyanê xo abiko û karê sîyasî biko.
Vizî zî Fermandarê Pêroyî yê Hêzê Sûriyeya Demokratîke (HSD) Mazlûm Ebdî aşkere kerdbi ke, seba awankerdişê yewitîya kurdî Rojavayê Kurdistanî de çend rojî badê cû gamê muhîmî do bêrê eştene.
Fermandarê Pêroyî yê HSDyî Mazlûm Ebdî twitterê xo ser ra beyanat dabi û vatbi: “Xebatê ma ê serba awankerdişê yewîya kurdî Rojavayê Kurdistanî de atmosferêko weş esto û xebatî dewam kenî. Rojanê vernîya ma de gamê muhîmî do bêrê eştene.”
Fermandarê HSD hukmatê Herêma Kurdistanî rê sipas kerdbi û vatbi: “Semedê yewîtîya hêzanê Rojavayê Kurdistanî destegê hukmatê Herêma Başurê Kurdistanî ver ma înan rê sipas kenî.”
Çend roj verê cû zì Rojavayê Kurdistanî de Fermandarê Pêroyî yê HSDyî Encûmena Niştimanî ya Kurdî ya Sûriye (ENKS) de kombîyayîş kerdbi