Hûmara 20. ya kovara edebî kulturî Şewçila bi muhtewayêka dewlemende vejîya.
Ena hûmare de, Roşan Lezgînî derheqê meselaya Eshabê Kehfî û cayê ke îsnad beno ke şikefta Eshabê Kehfî uca ya de yew cigêrayiş kerdo. Ancî, sey hûmaranê verînan, derheqê qeydeyanê ziwanî de zî nuşto; nuşteyo verîn bi sernameyê “Kirdî de fonksîyonê peybendê ‘-î’yî”, nuşteyo diyin zî bi sernameyê “Derheqê kokê çekuya ‘roşan’î de” yo. Mehmet Şah Aslanî derheqê dengbêj Hesenê Şêx Xalitî (1933-2002) de yew roportaj kerdo.
Ena hûmare de Mehmet Şah Aslan, Serwet Akkaş, Sedat Çiçek, Evdî Hesqera û Deyndar Nuştoxî hîkayeyî nuştê. Ancî, edebîyatê fransizan ra yew hîkayeya muhîme ya nuştoxa namdare Marguerite Yourcenar zî ena hûmare de ca gêna. Mihemed Kurdî zî yew mesela nuşta.
Hêmin Mukrîyanî, Mihanî Licokic, Nurhayat Akbalık, Adir Tilistone, Musa Tartik, Ömer Faruk Baran û Mehmet Emin Barslan bi şiîranê xwu ena hûmare de ca girewto.
Derheqê ena hûmare de yewna çiyo muhîm zî eno yo ke Evdî Hesqera, Mihemed Kurdî û Ömer Faruk Baran kurmanc ê, la bi Zazakî nusnenê.