Merkezê Xeberan - Gorê beyanatê Unîversîteya Johns Hopkinsî, pêroyê dinya de 3,017,806 nêweşê vîrusê korona estê.
Amerîka hûmara nêweşan û merdeyan de mîyanê welatanê dinya de rêza yewine de ya.
Vîrusê korona Amerîka de kewto ganê 970,000 kesan û 55,563 kes kişto.
Amerîka ra dima, bi 229,442 nêweşan Îspanya, bi 199,414 nêweşan Îtalya yena.
No virus aşma Kanûne de Şaristanê Çînî Wuhan de vejyabi û uca ra dinya rê vila bibi.
Çîn de 83,912 nêweşê vîrusê korona estê û 4637 kesî merdî.