Merkezê Xeberan - Hûmara hîrêyîne ya kovara teorî, huner û edebîyatî ya kirdkî Ewro vejîya. Na hûmare de nuştoxanê kovare dosyaya bi namê ''Cinîye'' amade kerde.
Hûmara yewîne û diyîne ya Kovara Ewroyî serra 2016î de vejîyabî. Dima heyetê weşanî yê kovare semedê meseleyanê ekonomîkan qerar dabi ke bineyke mabên bidîyo vetişê kovare. Kovara Ewroyî bi temamî kirdkî (zazakî) weşanîyena û tede derheqê teorî, huner û edebîyatî ser o nuşteyî yenê nuştene.
Kovare bi edîtorîya Ehmed Kirkanî de vejîyena û her hûmara de dosyayêk ser o nuşteyî estê. Hûmara hîrêyîne de zî semedê wendoxan dosyaya ''Cinî” amey amadekerdene. Dosyaya ''Cinî'' de edebîyatê kirdkî û eseranê kirdkî, nasname û cayê cinîyan ser o nuşteyî estê.
Rîyê prosesê Korona ra hûmara hîrêyîne ya Kovara Ewroyî nêamey vilakerdene la kovare înternetî ra eşkîyena bêra peydakerdene.
Lînkê seba peydakerdişê Kovara Ewroyî:
https://www.pirtukakurdi.com/Ewro-3-tr?search=kovara%20ewro