Kovara kultur û hunerî Vate pê hûmara xo ya 67. resa verê destê wendoxan.
Kovara kultur û hunerî ya Vateyî pê hûmara xo ya 67. resa verê destê wendoxan.
Na hûmare de nuştoxî MM, M. Malmîsanij, Enwer Yilmaz, Erkan Yildirim, Îdrîs Yazar, J.Îhsan Espar, Surya Humane, Seyîdxan Kurij, Canê Dilo, Îrfan Akdag, Muzaffer Kalaba, Doxan Karasu, Seîd Veroj û Mem Keleş pê nuşte, hîkaye û şîîranê xo ca gênê.
Weşanxaneyê Vateyî ke bitaybetî Kirdkî (Zazakî) ser o xebetîyeno û heta nika bi seyan kitabî û 67 hûmarê kovara Vateyî çap kerdî, humara 67. ya Kovara Vateyî weşana.
Kovara ke hîrê aşman ra reyêk vejîyena, na hûmare ci zî sey ê bînan bi babetanê muhîman û zaf renginan dekerde ya.
Kovara Vateyî ke serra 1997’î ra nata safî Kirmanckî yena weşanayene, ziwan, kultur, huner û xeylî babetanê bînan bi Kirmanckî wendoxanê xo rê pare kena.
Kovara ke 21 serrî ra zêdêr o bi hawayêko perîyodîk weşanê xo domnena, averşîyayîş û standardbîyayîşê Kirmanckî de wayîrê rolêkê muhîm ya.