Li gor navenda ragihandinê ya HSDê, ji duh de, şer li nava bajarokê Baxozê yê gundewarê Dêrezorê diqwimin û şervanên HSDê karîne hin xalên rêxistina DAIŞê kontrol bikin û xêzên wê yên berevaniyê bişkînin û pêş de biçin.
Ji aliyekî din ve, bi dehan ji xelkên sîvîl ji bajarokê Hecîn û gundên derdorê ji bin destên rêxistina DAIŞê bazdan û xwe di riya dergehê aram re, gihandin deverên kontrola HSD.
Tê zanîn ku Encûmena Dêrezorê ya Sîvîl kampek li di devera Hecîn ava kiriye û penaberan pêşwazî dike û pêdiviyên mirovî jê re pêşkêş dike.