Merkezê Xeberan - Zîndanê Hesekê de nêzdîyê 5 hezar çekdarê DAÎŞî reyna xîret kerd ke biremî.
Vervatoxê HSDyî Kîno Gabrîelî derheqê nê teşebusî de beyanatêk da.
Beyanat de wina ame vatene: ''Vizêr şewe Zîndanê Hesekê ke tede endamê DAÎŞî yenê tepiştene hetê cergan ra îsyanêk dîya destpêkerdene. Cergan berê koxûş û korîdaran cêra kerdî û zîndan girewt binê kontrolê xo. Hezê ma mecbur mendî ke mudaxle bikerê.
Têmîyankewtişê zîndanî rojêk dewam kerd. Dima mabênê hêzanê ma de û hêzanê Koalîsyonî de û endamanê cergan de dîyalogî dest pê kerdî û ma rewşe girewte binê kontrolî. Cergê DAÎŞî yê ke zîndanî ra remayî ameyî tepiştene ''