Goreyê çimeyanê herêmîyan dewleta tirke ya îşxalkere serê sibayî saete 10.00 de vera dewa Um El-Kêfî ya qezaya Til Temirî ya Kantonê Hesekê hêrişêko giran da destpêkerdene.
Şerwanan û Meclîsê Leşkerîye yê Til Temirî cewab da hêrişî. Herême de pêkewtişê giranî qewimîyanê. Derheqê hêrişî de agahîya bîne nêameye destvistene.
Merkezê Îrtîbatî û Çapemenîye yê HSDyî pare kerd ke dewleta tirke bi hawayêkê giranî hêrişê dewa Um El-Kêfî ya Til Temirî kena û herême de şerêko giran qewimîyeno.
Merkezê Îrtîbatî û Çapemenîye yê HSDyî eşkerayîyêke weşana û vat: ''Artêşa tirke ya îşxalkere û cergê ci hêrişê dewa Um El-Kêfî ya Til Temirî kenê.''
HSDyî eşkerayîya xo de vat: ''Hêzê ma cewab danê hêrişan. Nika dormeyê dewe de şerêko giran qewimîyeno.''