Mabênê îdarekaranê Hêzê Sûrîyeya Demokratîke (HSD) û Neteweyê Yewbîyayî (NY) de peymanêka planê hemparî yê qedexekerdişê domanan girewtişê eskerî û şer de pawitişê înan ame îmzakerdiş.
Mabênê îdarekaranê Hêzê Sûrîyeya Demokratîke (HSD) û Temsîlkara Taybete ya Şerê bi Çekî û Domanan ya Sekreterîya Pêroyî ya Netewê Yewbîyayî (NY) Vîrgînîa Gamba de seba qedexekerdişê mîyanê eskerîye de qedexekerdiş peymanêk ame îmzakerdiş. Bi tesdîqkerdişê HSDyî û Îdareyê Xoserî yê Vakur û Rojhilatê Sûrîye, NYyî dir 29ê Hezîrane de peymanêka planê hemparî awanîya dîyine ya tewr pîle ya NYyî ya Palaîs des Natîions a Cenevre de amey îmzakerdene.
Merasîmê îmzakerdişî yo ke Ofîsa Cenevre ya NYyî de ame viraştene de, temsîlkara taybete ya Şerê bi Çekî û Domanan a Sekreterîya Pêroyîye ya Neteweyê Yewbîyayeyî (NY) Vîrgînîa Gamba, fermandarê HSD Mezlûm Ebdî, fermandara Yewîya Pawitişê Cinîyan (YPJ) ya pêroyî Newroz Ehmede û hemserekê Meclîsê Rayberdişî yê Îdareyê Xoserî yê Vakur û Rojhilatê Sûrîye Ebid Ham el-Mîhbaş amade bîyî.
Temsîlkara taybete: Rojêka muhîm a
Temsîlkara Taybete ya Şerê bi Çekî û Domanan a Sekreterîya Pêroyîye ya Neteweyê Yewbîyayeyî (NY) Vîrgînîa Gamba va: “Ewro Sûrîye de seba pawitişê domanan rojêka muhîm a, HSD do rayîr nêdo ke binê banê xo de tu domanêk bêro çekdarkerdene û zereyê operasyonan de bêro wezîfedarkerdene.”
Gamba veng da heme hêzanê ke zereyê raporê şerwananê domanan ê Sekreterîya Pêroyîye ya NYyî de yê, seba bêçekkerdişê domanan gamanê laziman bierzê. Îdarekaranê HSDyî zî îzeh kerd ke, Îdareyo Xoser meseleyê polîtîkayanê domanan de hetê îdarekaranê NYyî de yo.