Rêxistina Çimdarî ya Heqanê Merdiman (HRW) vera dewleta tirka ke Serêkanîye ra bi desan kesî remnayî reaksîyon ramojna û Tirkîya sey hêzê îşxalkerî name kerd.
Berpisîyaranê herême yê Rêxistina Çimdarî ya Heqanê Merdiman (HRW) ra Michael Page beyanatêko nuştekî da û Tirkîya sey hêzê îşxalkerî name kerd.
Beyanat de ame vatene ke, surîyeyijî bi tewirê keyfî semedê hukmkerdişî rayîranê teberê qanûnî ra neqlê Tirkîya benê û raştê cezayanê tewr giranan yenê. Goreyê HRWyî çekdarê ke girêdayîyê dewleta Tirkîya yû ê Serêkanîyê de 63 kesî menganê teşîrna verêne û kanûne yê 2019î de remnayî. Dewleta tirke menga teşrîna verêne de hêrişê îşxalî dabî destpêkerdene.
Michael Pageyî îzah kerd ke, Tirkîya sey hêzê îşxalkerî tepişyayîşaanê keyfîyan kena û va, gereka vera huqûqê nê merdiman hurmet bêro ramojnayene. HRWyî da zanayene ke înan remnayîşê 63 kesan belge kerd la beno ke êyê ke ameyî remnayene qasê 200 kesan bê.
Goreyê Merkezê Cigêrayîş û Pawitişî yê Hemqanê Cinîyan ê Sûrîye Efrîn de 66 cinîyî ameyî qetilkerdene, tewr tay 149 cinîyî ameyî remnayene û 178 zî raştê îşkenceyî ameyî.
Rêxistina Heqanê Merdiman ê Efrînî zî dabi zanayene ke mabênê adara 2018 û 31ê kanûna 2020î de Efrîn de tewr tay 674 sîvîlî ameyî qetilkerdene, 7 hezar û 343 kesî ameyî remnayene. Reyna 314 hezar û 400 zêtunerî ameyî birnayene. 10 hezar donumê erazî ame veşnayene, 75 cayê tarîxî û cayê merasîman ameyî talankerdene.