Fermandarê hêzên Pêşmerge yê Helgurd Behram Arif Yasîn bo Rûdawê ragihandiye ku tîmeka PKK ê li navçeya Soran li nahiya Sîdekanê bi sîlihên mezin li noqteyeka Pêşmergeyan xistiye û ev salekiye ku PKK dixwaze bela xwe li Pêşmerge bixe. Yasîn her weha ragihandiye ku PKK, TNT dixe bin rêyan, dibin sedema valakirina gundan, hêcetan didin destê Tirkiyê û di encamê de êrîşê Pêşmergeyan kiriye.
Fermandar Behram Arif Yasîn her weha gotiye ku grûba PKK ê di êrîşê de RPG, BKC, klaşnîkov û tivingên nîşanvanan bikaranîne lê ti ziyanekî negihaye Pêşmerge.
Lê PKK mijarê red dike û dibêje ku ew êrîşê ser Pêşmerge nekirine û kiryarên weha ji doza netewî ya Kurd re xizmetê nake. Beşa çapemeniyê ya HPG ê bi kurtî mijarê weha ragihandiye:
“Weka tê gotin ti êrîşa hêzên me çênebûye. Em li hemberê Tirkiyê berxwedana netewî ya dîrokî dikin. Em dixwazin pêşmerge tevlî vê berxwedanê bibe û destekê bide me. Welew destekê nedin me jî bila sehayê li me teng neke.”