Serokkomarê Fransayê Emmanuel Macron derbarê xwenîşandanên li dijî bihabûna jiyanê peyamek belav kir û got, "Di komara me de bi ti awayî cih ji tundiyê re nîne."
Macron destnîşan kir ew kesên ku êrişî parêzgehan, kargehan û şaredariyan dikin dê werin darizandin û cezakirin.
Serokkomarê Fransayê Emmanuel Macron îro li ser hesabê xwe yê medyaya civakî li ser xwenîşandanên li welatê xwe axivî.
Macron piştgiriya xwe bo hêzên ewlehiyê anî ziman û wiha got:
"Di komara me de bi ti awayî cih ji tundûtûjiyê re nîne.
Ew kesên ku tiştan dişkînin, yên ku wekî parêzgehan kargehan jî dikin hedef û êrişan dikin, heta ew kesên ku şaredariyên me talan dikin dê werin darizandin û cezakirin.
Ez piştgiriya neteweyê radigihînim hêzên ewlehiyê yên ku garantiya mafê xwenîşdan in.
Li dijî wan kesên ku tovên kaosê diçînin, yên ku ji xeynî rûxandina dezgehên me tiştekî din naxwazin û ew kesên ku rê li ber xwepêşanderên aştîxwaz digirin, em dê hemû bi hev re mil bidin hev û bibin yek." (RN)