Sekreterê Pêroyî yê Neteweyanê Yewbîyayeyan Antonio Guterresî dîyar kerd ke hûmara merdimanê ke kewtê binê tesîrê vêşanîye, mîyanê hîrê serranê peyênan de dilab zêdîyaye.
Sekreterê Pêroyî yê Neteweyanê Yewbîyayeyan (NY) Antonio Guterresî dîyar kerd ke hûmara merdimanê ke kewtê binê tesîrê vêşanîye, mîyanê hîrê serranê peyênan de dilab zêdîyaye.
Guterresî bi wesîleya 16ê Teşrîna Verêne Roja Xida ya Dinya eşkerayîyêke daye û qesaetê xo yê serê zêdîyayîşê hûmara merdimanê vêşanan ard ziwan. Guterresî tweetêk weşana û vat: ''Hûmara merdimanê ke kewtê binê tesîrê vêşanîye mîyanê 3 serran de dilab zêdîyaya.''
Guterresî pare kerd ke prosesê janê Korona, rîskê şerê mîyanneteweyîyî, şerê Rûsya û Ukrayna hûmara merdinanê vêşanan zêdînaye.
Roja Xida ya Dinya seba fîrazkerdişê ronîyayîşê Rêxistina Xida û Zîretî ya NYyî (FAO) 1945 de amebî îlankerdene.
Raporê 2022yî yê Krîzanê Xida de amebi weşanayene ke 40 welatan de qasê 180 mîlyon kesî binê tehlukeyê vêşanîye de yê. Rapor de Etiyopya, Nîjerya, Sûdan a Başûr û Yemen sey 'cayê ke vêşanîye tede zaf a' ameyî mojnayene. Tunus û Cezayîr zî seba vera meseleya vêşanîye têkoşîn kenê û Afganîstan de rejîmê Talîbanî ra dima krîzê xida xirab beno.