Roja 23yê Nîsane de sereştişê keyeyan de Îstanbul, Riha û Anqara de 9 rojnamegerî ameybî derdestkerdiş.
Rojnamegerê Kurdî êyê ke ameybî derdestkerdiş vizêr Dadgeha Îstanbulî de îfade day.
Înan ra hîrê rojnamegerî ameyî tewqîf bîyê û ê bînî serbest ameyî veradayîş. Nînan ra muxabîrê MA Mehmet Aslanî, Esra Solin Dal û Erdogan Alayamut bi îdîaya 'endamîya rêxistine' tewqîf bîyê .
Esra Solin Dal erşawîya hepisxaneyê Bakirkoyî , Erdogan Alayamut hepisxaneyê Metrîsî û Mehmet Aslan zî erşawîya hepisxaneyê Sîncanî.
Mehmet Aslanî hesabê xo yê medyaya dîjîtale ra xebere daye ke o tepişîyayo. Aslanî bi rayîrê avûkatanê xo wina vat: ''Ma tewqîf bîyê. Raywanîya ma ya raştîye tena yew roje ney her roj a. Rojnamagerîye sûc nîya.''