Roja şemiyê 22ê Îlonê, li Ehwazê di êrişeke bi ser nimayîşa leşkerî ya hêzên çekdarî yên Îranê de, ku di heman demê de li seranserê Îranê bîranîna şerê heşt salan a Îran û Iraqê birêve diçû û li Îranê weke Hefteya Berevaniya Pîroz tê binavkirin, çar çekdaran teqe li hêzên serbazî kirin û di encama bûyerê de 24 kes hatin kuştin û zêdetirî 60 kes jî birîndar bûn.
Hikûmeta Herêma Kurdistanê bi daxuyaniyekê wê êrişa terosîstî şermezar kir û ragihand: “Di demekê de ku em taziye û sersaxiyê li xizmên qurbaniyan û Komara Îslamî ya Îranê dikin û ji bo birîndaran şîfa dixwazin, em hêvî dikin ku êrişkar werin dîtin û bigihên cezayên xwe yên yasayî.”