Serok Mesûd Barzanî û Cîgirê Fermandeyê Giştî yê Hêzên Hevpeymaniya Navdewletî li Iraq û Sûriye Bell Richard civiyan û di hevdîtinê de Richard got: “Yekgirtina Hêzên Pêşmerge ji bo me giring e.”
Serok Mesûd Barzanî îro Çarşemê 16ê Hezîrana 201ê li navçeya Pîrmam a Hewlêrê pêşwazî Cîgirê Fermandeyê Giştî yê Hêzên Hevpeymaniya Navdewletî li Iraq û Sûriye Bell Richard û şanda lige kir.
Li gor daxuyaniya Ofîsa Serok Mesûd Barzanî, di hevdîtinê de Bell Richard sersaxiyê li Serok Barzanî û gelê Kurdistanê kir ku ji ber şehîdbûna wan 5 Pêşmergeyên ku li çiyayê Metîna hatibûn şehîd kirin û hêviya başbûnê ji bo pêşmergeyên birîndaran bûne jî xwest.
Di civînê de Bell Richard rewşa meydanî ya hewlên hêzên Hevpeymananiya Navdewletî ya ji bo rûbirûbûna DAIŞê li Iraq û Sûriye ji bo Serok Barzanî eşkere kir.
Di beşeke din civînê de dirustkirina navenda hemahengiya di navbera hêzên Pêşmergeyên Kurdistanê û hêzên Iraqê yên ji bo parastina navçeyên li gefa terorîstan û her wiha pêngavên ji bo pêkanîna hêzên hevbeşî ya her du aliyan ji bo heman mebestê bi girîng û berhemdar pênase kirin.
Herwiha hewlên ji bo yekxistina Hêzên Pêşmerge û encamdana çaksazî ya li Wezareta Pêşmerge ya Herêma Kurdistanê mijareke din vê hevdîtinê bû û têkildarî vê de jî Cîgirê Fermandeyê Giştî yê Hêzên Hevpeymaniya Navdewletî li Iraq û Sûriye got ku yekxistina Hêzên Pêşmerge ji aliyê welatên hevpeymaniyê ve girîngiyeke xwe ya taybet heye.