Hêzanê Asayîşê Zereyî pêkewtişanê bi rojan ra dima taxa Tayî ra Qamişloyî ra milîsê Dîfa El Wetenî bi temamî vetî.
Milîsanê Dîfa El Wetenî yê rejîmê Şamî 20ê nîsane de hêrişê noqtaya Hêzanê Asayîşê Zereyî kerdbi û pêkewtişan dest pêkerd. Her çiqas zî çend rey adirbirnayîşî ameyî îlankerdene zî milîsanê Şamî hêrişanê xo rê dewam kerd.
Tewr peynî vizêr bi mabênçîtîya Rûsya û HSDyî de adirbirnayîş amebi îlankerdene la milîsanê Dîfa El Wetenî reyna hêriş kerdbi.
Hêzanê Asayîşê Zereyî dibistana Ebas Elawîyî ya ke Dîfa El Wetenî kerdbi noqtaya asayîşî, taxa Tayî bi temamî pak kerdî. Hêzanê Asayîşê Zereyî milîsî noqtayanê taxe ra vetî.
Rewşa nikayêne de noqtaya kontrolî yê hêzanê Hukmatê Şamî taxa Zinûdî ya başûrê Qamişloyî û taxa Teyî de esta.