Heyetêkê Îdareyê Xoserî yê Rojawanî û Meclîsê Sûrîyeya Demokratîke (MSD) Moskova de temsîlkaranê Wezîrîya Karanê Teberî ya Rûsya de ronişt.
Buroyê Îrtîbat û Çapemenîye yê MSDyî derheqê pêvînayîşî de nê zanayîşî dayî: ''Îlhame Amed zî tede heyetêkê Îdareyê Xoserî yê Rojawanî û MSDyî Moskova de dawetê Wezîrîya Karanê Teberî ya Rûsya ser o Moskova de Mikhail Bekdanov zî tede temsîlkaranê wezîrîye reyde ronişt.
Pêvînayîş pozîtîf bi. Pêvînayîş de çarçewa qerarê 2254. yê çareserîya krîzê sîyasî yê Sûrîye, karanê sîyasîyan rê daxîlbîyayîşê MSDyî û sûcê Anqara yê vera serdestîya Sûrîye ameyî nîqaşkerdene.''
Heyetê MSDyî tewr peyên êlula 2020î de Wezîrê Karanê Teberî Sergey Lavrovî reyde pêvînayîş kerdbi û venga Rûsya dabi ke paştî bida muxalefetê demokratîkî û semedê dîyalogan rolêk kay bikera.