Çarçewa zîyaretanê dîplomatîkan ê heyetanê xerîban û dezgehanê sivîlan de vizêr Komîserîya Azadîya Dînan a Mîyanneteweyî ya Amerîka, selahîyetdarê Îdareyê Xoserî û rêxistinê komelê sivîlî yê Rojavayê Kurdistanî de kom bîyî.
Heyetê Amerîka de sereka Komîserîye Nadine Menza û keşayê wîlayetê Tennessee Nashville Steve Burgerî ca girewt.
Heyetî hêverî Dayîreyê Têkilîyanê Teberî reyde pêvînayîş kerd. Hemserekê Dayîreyê Têkilîyanê Teberî Ebdulkerîm Omerî, cîgêrayox Ebir Êlîya, şêwirmende Mizgîne Ehmed û vervatoxe dayîreyî Kemal Akîfî heyet pêşwazî kerd.
Kemal Akîfî da zanayene ke înan qewimîyayîşanê Rojawanî ser o nîqaşî kerdî û vat: ''Ma heyetî rê zanayîş da ke herême de sûcê dewleta tirke dewam kenê. Pêvînayîşêk weş bi. Ma raporê derheqê Heyetê Dînan ê Amerîka de qisey kerd. Ma zî raporê xo yê derheqê binpaykerdişanê heqanê merdiman de teslîmê înan kerd. ''
Endama Heyetê Hemserekîya PYDyî Foza Yûsif zî pêvînayîşê bi heyetî de qala binpay kerdişanê heqanê merdiman ê dewleta tirke û cerganê ci kerde û heyetî rê eşkera kerd ke dewleta tirke demografîya herême vurnena, pakîya etnîke û dînîye kena. Foza Yûsif qetî kerd ke dewleta tirke têna seba kurdan nê seba pêro herême tehluke ya.
Yeno pawitene ke heyet şoro Reqa û berpirsîyaranê Îdareyê Xoserî reyde kombîyayîş bikero.