Heyetêka Gelecek Partisi (Partîya Ameyoxî) a ke mîyan de Serekê Teşkîlatê Amedê yê Gelecek Partisi Aydin Aytaç, Hetkarê Serekê Teşkîlatê Amedî yê Gelecek Partisi Soner Ordu, Sekreterê Teşkîlatê Amedê yê Gelecek Partisi Hasan Uygun, Serêkê Ciwanan yê Teşkîlatê Amedê yê Gelecek Partisi Ferhat Simpil estbî roja 25.08.2021 de Teşkîlatê Amedî yê PAKî zîyaret kerd.
Birêzî Hetkarê Serêkê Pêroyî yê PAKî Vahit Aba, Vervatoxê PAKê Hanifi Turan, endamê Meclîsa Partîye ya PAKî Salih Kaplan û rayberê Teşkîlatê Amedî yê PAKî İsmail Ediş ameyî heyeta PAKî vera.
Heyeta Gelecek Partisi (Partîya Ameyoxî) derheqê rewşa Tirkîya û bîyayîşê demê peyênî ser o vîr û rayîrê partîya xo îfade kerd û waştê wa dîyalogê her di partîyan dewam biko.
Heyeta PAKî zî semedê zîyaretî spasîya xa pêşkêşê heyeta Gelecek Partisi kerd.
Heto bîn ra heyeta PAKî derheqê dewaya qefilyayîşî ya derheqê PAKî de, derheqê hêrîşê nîjadperetî yê vera kurdan, derheqê sîyasetê Dewleta Tirkîya ya vera kurdan û derheqê çareserîya meseleya Kurd û Kurdistanî de vîr û rayîrê PAKî îfade kerd.
Pêvînayîşê heyeta PAK û Gelecek Partisi atmosfereke hewl de vîyart û her di hetan zî muhîmîya dîyalogê mabênê her di partîyan de îfade kerd.
Buroya Çapemenî û Têkilîye ya PAKî