Merkezê Xeberan
Heyeta ortaxe ya ke tede temsîlkarê PSK û PAKî estbî Bruksel de buroya Hukmatê Herêma Kurdistanî zîyaret kerd. Temsîlkarê Hukmatê Herêma Kurdistanî Dîlawer Ajgeyî şi heyeta PAK û PSK vera.
Pêvînayîş weş vîyart. Her di hetan rewşa Vakur û Vaşûrê Kurdistanî ser o qisey kerd û malumat day yewbînan. Pêvînayîş de yewitî û îtîfaqê hêzanê Kurdistanî ser o ame vindertiş. Heyeta PSK û PAKî muhîmîua wayîrvejîyayîşê qezencanê Vaşûrî îzeh kerd û rewşa Vaşûrî sey qezenc û serkewtişê her çar parçeyê Kurdistanî nişan kerd. Heto bîn ra heyeta PSK û PAKî kombîyayîş de qala dewaya qefilnayîşî ya ke Dewleta Tirkîya semedê çar partiyan de akerda bi.
Birêz Dîlawer Ajgeyî zî qala rewşa nikayîne ya Vaşûrê Kurdistanî kerd, îtîfaqê partîyanê Vaşûrê Kurdistanî ke sey lîsteyêk beşdarê weçînayîşê herêmanê Kurdistanî benî kerd ûseba zîyaretê heyeta PAK û PSK keyfweşîya xo îfade kerd.