Heyetêka PAKî Hewlêr de îdarekarê Partîya Demokrata Kurdistanî (PDK) ziyaret kerd.
Heyetêka PAKî Hewlêr de îdarekarê Partîya Demokrata Kurdistanî (PDK) ziyaret kerd.
Heyetêka Partiya Azadiya Kurdistanî ke şîya Vaşûrê Kurdistanî, Hewlêr de Boruya Partiya Demokrata Kurdistanî (PDK) ziyaret kerd.
Mîyanê heyeta PAKî de Hetkarê Serekê Pêroyî yê PAKî Kasim Ergun û endamê Komîteya Îdarekare ê PAKî Abdurahman Gundikî û Orhan Kaya estbî. Heyeta PAKî roja dişeme 29ê Temmuza 2019î de Hewlêr de Buroya Partîya Demokrata Kurdistanî (PDK) ziyaret kerd. Mesulê Boruyê PDK Elî Husên şi heyeta PAKî ver.
Heyeta PDK ra zî Nizar Botanî, Karzan Nûrî, Silêman Hisên û Rojbeyanî kombîyayîş de ca girewt. Her di heyetan rewşe û huzurê Vaşûrê Kurdistanî û Tirkiya û dewaya qefilnayîşî a ke semedê PAKî ameya akerdiş ser o qisey kerd.
Nameyê heyeta PAKî ser o Kasim Ergunî qisey kerd û seba ke heyeta PDKî bi dostane û zerrî ra eleqe nîşanê înan daya înan rê sipas kerd.
Kasim Ergunî kabîneya hukmatê newî yê Herêma Kurdistanî pîroz kerd û PDK û heme partiyan rê serkewtiş waşt.