Heyetêka HAK-PARî ke mîyan de Serekê Pêroyî yê HAK-PAêî Birêz Latif Epözdemir, Hetkarê Serekê Pêroyî yê HAK-PARî Birêzî Yeter Polat, Zana Sezen û Endamê Meclîsa Partîye Birêz Sabri Serin estbî roja 09.11.2020î de Temsîlkarîya PAKî ya Îstanbulî Zîyaret kerd.
Serekê Pêroyî yê HAK-PARî Birêz Latif Epozdemir û heyeta ke ey reyde bî, semedê viraştişê Kongreya Asayî ya PAKî ya Diyîne PAK pîroz kerdî û semedo ke newe ra sey Serekê Pêroyî yê PAKî ameyo weçînayene zî Birêz Mustafa Özçelik pîroz kerdî.
Serekê Pêroyî yê PAKî Birêz Mustafa Özçelik, Hetkarê Serekê Pêroyî yê PAKî Birêzî Kasim Ergun û Mehmet Gül amey heyeta HAK-PARî vera û semedê zîyaretî heyeta HAK-PARî rê spas kerd.
Zîyaretê heyeta HAK-PARî yê PAKî de, her di hetan derheqê rewş û rojeva welatî, herême û dinya de fikir û rayîrê xo îfade kerdî, heto bîn ra hîna zêde averberdişê têkilîyê her di partîyan, heyetê HAK-PAR û PAKî waştiş û hêvîyê xo pêşkêş kerdî.
Pêvînayîşê mabênê heyetanê HAK-PAR û PAKî atmosferêko dostane de û bi hawayêko berhemdar derbas bi.