Merkezê Xeberan - Paytaxtê Herêma Kurdistanî Hewlêr de keso ke tede nêweşîya Korona vejyabi û nêweşxane de tedawî dîyêne merd.
Gorê beyanatê Mudirîya Weşîye ya Hewlêrî, yewêko 51 serrî ke nêweşxane de tedawî dîyêne merdo.
Gorê beyanatî, Mehleya Bineslawa de testê krona yê kesêk pozîtîf vejya û roja 27ê Gulane de wedarîyayo nêweşxane la ewro serê siba nêweşxane de nêxelisyayo û merdo.
Bi no qayde Herêma Kurdistanî de hûmara kesê ke rîyê virusî ra merdî bîy 8.