Wilayetê Hewlêrî de kitabxaneyêk vêşa û bi wele. Wayîrê kitabxaneyî îdîa keno ke nuştox Ferhad Pîrbalî kitabxane vêşnayo. Naye ser Ferhat Pîrbal ame tepiştiş.
Şewa bîne Hewlêr de kitabxaneyêk bi namê “Malî Wefayî” ame vêşnayîş.
Wayîrê kitabxaneyî Soran Ezîz va ke, kitabxane de 5 hezar kitabî estbî û depoyê ci de zî 100 karton kitabî estbî. Kitabê ma pêro amê vêşnayîş. 10 serrîyo ke mi bi zehmetî no kitabxane rona. Qasê 80 hezar dolar zirarê mi esto.
Wayîrê kitabxaneyî îdîa keno ke, nuştox Ferhad Pîrbalî kitabxaneyê ey vêşnayo û vano: Ma roja panşeme (11ê na menge) 2 kitabê Ferhad Pîrbalî çap kerdbî. La Ferhad Pîrbal îdîa kerd ke ma heqê ey werdo û ma pê vêşnayîşê kitabxaneyî tehdîd kerdbi. Seba ke ma ameybî tehdîdkerdiş ma xebere dabî polîsan zî.
Heto bîn ame zanayîş ke, polîsan seba vêşyayîşê kitabxaneyî, Nuştox Ferhad Pîrbal tepişto û berdo mudurîyetê polîsan yê Hewlêrî.