Hevpeymaniya Navdewletî ya li dijî DAIŞê radigihîne, di êrîşa mûşekî ya şeva borî ya Hewlêrê de, kesekî ku bi girêbest bi Hevpeymaniya Navdewletî re kar dikir, hat kuştin û 6 kesên din jî birîndar bûn.
Berdevkê Hevpeymaniya Navdewletî Kolonel Wayne Marotto ragihand, şeva borî hêzên Hevpeymaniya Navdewletî li Hewlêrê rastî êrîşeke mûşekî hatin.
Marotto diyar kir jî, di encama êrîşê de kesekî sivîl ku bi girêbest bi Hevpeymaniya Navdewletî re kar dikir, canê xwe ji dest da û 5 kesên din ên bi Hevpeymaniyê re kar dikin, jî birîndar bûn.
Herwiha Kolonel Wayne Marotto da zanîn jî, kesekî din ê Amerîkî di êrîşê de birîndar bû.
Şeva borî Hewlêr rastî êrîşeke mûşekî hat ku du mûşek li taxa Wezîran, hejmarek din jî li nêzîkî Firokxaneya Hewlêrê û du mûşek jî li gundê Kanî Qirjale li nêzîk Hewlêrê ketin xwarê.